Swartskaap

Broef-Broef, die sogenaamde eko-joernalis, is ‘n drop-out van die Internasionale Speurskool (my ou alma mater)

Ek sê dit nie om hom in ‘n slegte lig te stel nie. As dit nie daarvoor was nie, sou hulle my seker nooit as student ingeskryf het nie.

Gee die duiwel wat hom toekom.

Nie dat ek Broef-Broef as ‘n duiwel wil beskryf nie … maar hy was ongelooflik briljant en het aanvanklik baie goed gevaar in die Speurskool.

Miskien het hy net met die verkeerde vriende deurmekaar geraak.