Swartskaap?

My oom Broef-Broef? My ma se broer – dieselfde werpsel, maar hulle het nooit mooi aan die selfde speen gesuig nie.

Die broer van haar het homself nog altyd te belangrik geag. Hy het jonk begin werk vir die diplomatieke diens, en ek moet erken hy het nogal goed gevaar. Hy het in verskeie ambassades dwarsoor die wêreld gedien,  Hy was lank in Rusland. Nou ja, wie weet vir presies hy gewerk het.

Deesdae is hy ook sogenaamd ‘afgetree’. Hy is baie ryk – niemand weet waar sy geld vandaan kom nie. Dit is dit is baie suspisieus, as jy my vra …

Hy hou van meisies, vinnige karre en enigiets buitengewoons.

Hy hou ook van brandewyn.