Ontbyt

Broef-broef se eier-in-die-gat broodjies:

Dit is fantastiese gemaks kos en ‘n lekker olierige ontbyt, veral as jy tamaties sommer so langsaan in die pan braai.

Druk ‘n gat (met ‘n glas of ‘n koekiedrukker) in ‘n sny brood of twee.

Smelt botter (regte botter) in ‘n pan en gooi die brood in.

Breek ‘n eier in elke gat.

Braai tot eier stol, draai dan om en gooi gerasperde kaas op die gebraaide kant.

Braai nog ‘n bietjie.

Neem ‘n koerant, ‘n glas lemoensap, en besluit jy gannie vandag werk nie.