Versoening

Op hierdie dag van rekonsiliasie, wonder ek waarmee ek myself kan versoen. Soos almal, het ek maar my lys griewe.

Meeste van hulle is op een of ander manier te wyte aan katte, of die amerikaners.

Kan jy jou iets erger indink as ‘n amerikaanse kat? (Garfield dalk uitgesluit.)

Daarmee dan, sewe dinge waarmee ek myself nie kan versoen nie:

1. Die kat oorkant die straat

2. Kouegom onder my voetsool

3. Daai amerikaanse president van nou die dag – jy-weet-wie

4. Realiteits programme op televisie (daar is iets fout met die psigologie van hierdie mode, regtig.)

5. Vergaderings, komitees, werksgroepe en ander konglomerasies van verlammende burokrasie

6. Vlooie

7. Katte met vlooie. Katte wat kouegom eet. George Bush se kat. Katte in realiteitsprogramme. Katvergaderings … oeps, meer as sewe.

Ek het duidelik meer van hierdie dae nodig!