Julle mense is interessant. Julle meet julle lewens in dekades, jare, seisoene, maande, weke, dae, ure en soms sekondes.
Ons viervoete onderskei tussen lig of donker, warm of koud. Dit is goed genoeg.
Geen wonder dat meeste van julle stapelgek raak hier teen die einde van die jaar nie. Vir mense veroorsaak hierdie tyd van die jaar ‘n hele berg probleme:
• Eksamens is geskryf om seker te maak die jaar eindig op ‘n histeriese noot.
• Nou word die gemaksone verstuur en almal moet rondskuif: na ‘n nuwe standerd, ‘n nuwe instansie van opleiding, ‘n nuwe werk …
• Kinders is skielik op vakansie en pla almal
• Stormlope in benoude winkelsentrums veroorsaak enorme mikro- en makro-ekonomiese katastrofes.
• Babbelas en Galsteen kom kuier. Of skoonfamilie.
Dit is ongesond.
Intussen word die weer warmer en die dae langer.
Dit is goed genoeg vir my.
Hopla!
No comments:
Post a Comment